O‘zbekcha · Speaking
IELTS Speaking — savollar, format va mashq
Speaking — 11–14 daqiqalik jonli suhbat, uchta qismdan iborat. Bu sahifada har bir qismning formati, nimaga qarab baholanishi va cue card bilan qanday ishlash kerakligi yozilgan. Speaking Lab’da savollarga ovozingizni yozib javob berib mashq qilasiz.
Format
- Part 14–5 daqiqa. O‘zingiz, uyingiz, ishingiz yoki o‘qishingiz haqida oddiy savollar.
- Part 21 daqiqa tayyorgarlik, 1–2 daqiqa gapirish. Cue card bo‘yicha monolog.
- Part 34–5 daqiqa. Part 2 mavzusining kengroq, mavhumroq tomonlari haqida suhbat.
- Umumiy vaqt11–14 daqiqa. Suhbat yozib olinadi.
- FormatJonli imtihonchi bilan. Kompyuterda topshirilganda ham Speaking odam bilan o‘tadi.
Nimaga qarab baholanadi
Fluency and Coherence
Ravonlik va fikr izchilligi. Uzoq pauza va o‘zini tez-tez tuzatish ball tushiradi; sekin, lekin tekis gapirish esa tushirmaydi.
Lexical Resource
So‘z boyligi. Mavzuga xos so‘z va iboralarni to‘g‘ri ishlatish — yodlangan “ilg‘or” iboralarni tiqishtirishdan muhimroq.
Grammatical Range and Accuracy
Grammatik xilma-xillik va aniqlik. Zamonlarni aralashtirmaslik 6.5 dan yuqoriga chiqishda ko‘pincha hal qiluvchi bo‘ladi.
Pronunciation
Talaffuz. Aksent muammo emas — tushunarlilik, urg‘u va ohang muhim.
Ko‘p uchraydigan xatolar
- Bir so‘zli javob“Do you like reading?” — “Yes.” Bu Fluency uchun eng zarar javob. Har doim sabab yoki misol qo‘shing.
- Yodlangan javobYod olingan matn ohangidan bilinadi va ball qo‘shmaydi.
- Cue card’ning bir qismini o‘tkazib yuborishKartadagi to‘rtta punktning hammasiga tegib o‘tish kerak.
- Pauzani “um” bilan to‘ldirishO‘ylash uchun vaqt kerak bo‘lsa, tayyor jumla ishlating: “That’s an interesting question, let me think.”
- Part 3’da qisqa javobPart 3 fikr va sabab talab qiladi. Bir jumlali javob bu qismda yetarli emas.
Qanday mashq qilish kerak
- Mavzular bilan tanishing Speaking mavzular sahifasida Part 2 cue card oilalari va Part 1 savollari yig‘ilgan. Javobni emas, mavzuni tayyorlang.
- Ovozingizni yozing Speaking Lab’da savolga javob berib, o‘zingizni tinglang. Ko‘pchilik xatosini birinchi marta shu yerda eshitadi.
- Bir daqiqani mashq qiling Cue card uchun 1 daqiqada to‘rtta kalit so‘z yozishni o‘rganing — jumla emas, kalit so‘z.
- Takrorlab gapiring Bir cue card’ni uch marta gapiring: birinchisi tarqoq, uchinchisi ravon chiqadi. Farqni eshitish o‘zi mashq.
Mashq sahifalari
Speaking bo‘yicha saytdagi sahifalar.
Ko‘p so‘raladigan savollar
IELTS Speaking’ni yolg‘iz qanday mashq qilaman?
Savolga ovozingizni yozib javob bering va o‘zingizni tinglang. Speaking Lab shu uchun qilingan: savol bankasi, yozib olish va izoh bir joyda.
Speaking necha daqiqa davom etadi?
11–14 daqiqa: Part 1 uchun 4–5, Part 2 uchun tayyorgarlik bilan 3–4, Part 3 uchun 4–5 daqiqa.
Cue card’da nima yozish kerak?
Jumla emas, to‘rtta kalit so‘z — kartadagi har bir punkt uchun bittadan. Gapirayotganda ko‘z tashlab olasiz.
Aksentim ball tushiradimi?
Yo‘q. Pronunciation mezoni tushunarlilik, urg‘u va ohangga qaraydi, aksentga emas.